Starfsfólk

Árni er rafvirki og hefur starfað við það síðan um árið 2000 og rekið sitt eigið fyrirtæki síðan 2015. Árni er í sambúð, á þrjú börn og býr í Mosfellsbæ. Áhugamálin hans eru allskonar útivist.

Berglind hóf störf hjá okkur mars 2024, hún er fædd og uppalin í 104 Reykjavík. Berglind er í sambúð og á 3 börn. Hún útskrifaðist sem viðskiptafræðingur frá Háskólanum í Reykjavík árið 2015. Hún starfaði síðustu 7 ár hjá PwC.

Friðjón er löggiltur fasteignasali og stjórnmálafræðingur. Friðjón rak áður tvö íbúðahótel ásamt eiginkonu sinni og býr nú með henni og börnum sínum þremur í Mosfellsbæ. Hann sér um sölu fasteigna.

Friðrik hefur víðtæka reynslu af rekstri, stjórnun og fjármálum, bæði í einkageiranum i og úr dómskerfinu og hlaut réttindi sem héraðsdómslögmaður 1988. Friðrik er uppalinn vesturbæingur. Hann er giftur og á einn uppkominn son. Áhugamál eru fjallaferðir, skot- og stangveiði og flest annað það sem náttúra Íslands hefur upp á að bjóða.

Gabriel Máni hóf störf hjá okkur veturinn 2023. Hann hefur víðamikla reynslu úr sölu og stjórnunarstörfum en hann hefur einnig starfað sem stuðningsfulltrúi fyrir fatlaða. Hann lauk námi til löggildingar fasteigna- og skipasala vorið 2024 en er einnig með Bs.c. gráðu í viðskiptafræði hjá Háskóla Íslands. Gabriel er uppalinn í Fossvogi og æfði knattspyrnu með Víking Reykjavík á yngri árum. Helstu áhugamál hans eru boltaíþróttir og ferðalög. 

Guðrún hóf störf hjá okkur vorið 2024. Hún er í löggildingarnámi sem hún lýkur vorið 2025.
Hún er einnig með BA gráðu í félagsráðgjöf. Býr í Fossvoginum ásamt tveimur börnum sínum. Helstu áhugamál hennar eru, útivist, mikil hreyfing, tónlist, vinir, fjölskylda, ljósmyndun og að ferðast.

Gústaf hefur starfað við fasteignasölu frá árinu 2005. Hann er íþróttafræðingur að mennt og starfaði um árabil sem íþróttakennari og þjálfari í fótbolta og handbolta. Gústaf er búsettur í Kópavogi, er kvæntur, á þrjú uppkomin börn og fjögur barnabörn. Áhugamál Gústafs eru íþróttir og útivist, ferðalög og dægurmál.

Halldóra hefur unnið með hléum á fasteignasölu frá árinu 2000. Halldóra býr í hlíðunum, er gift og eiga þau hjón 3 börn. Hún hefur farið á námskeið fyrir starfsfólk fasteignasala og ýmis önnur námskeið. Halldóra hóf störf í skjaladeild Mikluborgar árið 2014.

-

Íris útskrifaðist með B.Sc gráðu í Sálfræði frá Háskólanum í Reykjavík og meistaragráðu í Markaðsfræðum við háskóla á Ítalíu. Íris hefur mikla reynslu af sölu- og markaðsmálum og hefur meðal annars unnið sem markaðsstjóri. Íris er uppalin í Grafarvogi og býr í Úlfarsárdal ásamt eiginmanni sínum og dóttur.

Jason er annar eiganda Mikluborgar og útskrifaðist með meistaragráðu í lögfræði frá Háskólanum í Reykjavík vorið 2008. Hann fékk löggildingu sem fasteigna-, fyrirtækja- og skipasölu vorið 2000. Jason hlaut réttindi sem héraðsdómslögmaður árið 2009. Jason hefur starfað við sölu fasteigna frá árinu 1996. Hann sér um samningagerð og sölu fasteigna. Jason býr á svæði 104, er giftur og á þrjú börn, einn strák og tvær stúlkur. Jason er eigandi Mikluborgar.

Jón Rafn hefur áratuga reynslu í sölu og markaðssetningu og hefur starfað við sölu fasteigna í 20 ár þar sem fjöldi aðila hefur leitað til hans vegna sölu á öllum tegundum fasteigna. Hann er áreiðanlegur, ávallt til taks, og leggur sig fram við að tryggja viðskiptavinum sínum besta verð fyrir eignir þeirra. Með bakgrunn í sölu- og markaðsstörfum, auk reynslu sem matsmaður fyrir íslenskum sem erlendum dómstólum má segja að Jón hafi puttan á púlsinum. Jón Rafn er sérfræðingur í sölu sérbýla og stærri eigna.

Jórunn hefur mikla reynslu af stjórnun og verslunarrekstri, enda alin upp við það frá blautu barnsbeini. Jórunn er löggildur fasteigna-, fyrirtækja- og skipasali, ásamt því að hafa lokið tveggja ára nám í rekstrarstjórnun við Háskólann í Reykjavík. Jórunn hefur starfað sem fasteignasali frá byrjun árs 2011, en þar áður var hún í eigin rekstri. Að starfinu hennar undanskildu, eru helstu áhugamál Jórunnar útivist, hreyfing og góðar samverustundir með sínum nánustu, en Jórunn er gift og á fjóra uppkomna syni.“

Katla hefur mikla reynslu og þekkingu á sviði framleiðslu mannvirkja og nýbygginga þar sem hún hefur starfað við það frá árinu 2006. Reynslan nýtist henni vel í starfi fasteignasala.

Katla er uppalin í Breiðholtinu en býr í Úlfarsárdal  ásamt eiginmanni sínum og þremur drengjum.

Kjartan er með B.Sc gráðu í viðskiptafræði frá HR ásamt sveinsprófi í matreiðslu frá Hótel og matvælaskólanum. Starfsferill Kjartans er fjölbreyttur og hefur Kjartan m.a. starfað sem framkvæmdastjóri, vörumerkjastjóri, verkefnastjóri og matreiðslumaður. Kjartan er kvæntur og á tvö börn.

Kristín Avon hóf störf hjá okkur 2023. Hún lauk námi til löggildingar fasteigna- og skipasala vorið 2024. Hún er fædd og uppalin í Hafnarfirði en býr nú í Garðabæ og á tvær dætur. Áhugamál Kristínar er útivist, ferðalög og myndlist og heldur hún einnig úti vefsíðunni artbyavon.is þar sem hennar listaverk eru til sýnis. Hún hefur mikla reynslu af þjónustu og sölustarfi. Kristín sér um markaðsmál Mikluborgar.

Kristín hóf störf á fasteignasölu árið 1987 og fékk löggildingu sem fasteigna- fyrirtækja- og skipasali vorið 2003. Kristín býr í Kópavogi, er gift og eiga þau hjón tvö börn.

Lára Pálsdóttir er fædd og uppalin á Fossi á Síðu. Hún hefur starfað í móttöku Mikluborgar síðan 2013. Lára býr í Hafnarfirði, er gift og á þrjú börn

Móeiður útskrifast sem löggiltur fasteigna- og skipasali vorið 2024. Fyrir utan gríðarlegan áhuga hennar á arkítektúr og innanhúshönnun þá hefur hún verið í hestamennsku frá ungum aldri og elskar alla útivist. Hún er alin upp í hlíðunum Reykjavík en býr nú í Garðabænum.

Ólafur Finnbogason hefur starfað við fasteignasölu frá árinu 2002. Ólafur er menntaður grunnskólakennari og með meistaragráðu í verkefnastjórnun (MPM). Ólafur er giftur og á tvö börn. Ólafur er uppalinn Seltirningur en býr í Vesturbænum. Ólafur er mikill áhugamaður um skot- og stangveiði. Einnig hefur Ólafur þjálfað handbolta með hléum síðan 1991.

Óskar R. Harðarson er annar stofnanda Mikluborgar. Óskar hefur starfað við fasteignasölu frá árinu 1998 og er útskrifaður lögfræðingur frá Háskóla Íslands. Óskar öðlaðist héraðsdómslögmannsréttindi á árinu 2004. Óskar er uppalinn í Reykjavík en býr í Garðabæ í dag ásamt konu sinni og fimm börnum.

Óskar er með sveins- og meistararéttindi í bílamálun og hefur unnið í kring um bílageirann frá árinu 2001. Árið 2020 skipti svo Óskar um ham og fór í nám til löggildingar fasteigna- og skipasala og réð sig í vinnu hjá Mikluborg. Óskar sleit barnaskónum í vesturbæ Reykjavíkur og er sjóðheitur KR-ingur og golfari. Óskar er giftur þriggja barna faðir og býr með fjölskyldu sinni í Mosfellsbæ.

Ragnheiður útskrifaðist sem lögfræðingur frá Háskólanum í Reykjavík árið 2008 og starfaði hún sem sérfræðingur í hugverkarétti frá útskrift til ársins 2017 þegar hún hóf störf hjá Mikluborg. Hún öðlaðist réttindi til að starfa sem héraðsdómslögmaður árið 2011 og er löggiltur fasteignasali frá árinu 2015. Ragnheiður er fædd og uppalin í Keflavík en býr nú í Kópavogi ásamt eiginmanni og tveimur börnum.

Rakel er löggiltur fasteignasali og viðskiptalögfræðingur. Hún hefur starfað við fasteignasölu Fold frá unga aldri og samfellt frá 2009. Rakel er gift, á tvö börn og býr á Seltjarnarnesi. Áhugamál hennar eru matargerð, bakstur, heimili og hönnun og samvera með fjölskyldu og vinum.

Rebekka útskrifaðist sem löggiltur fasteigna og skipasali 2021. Rebekka er fædd og uppalin í Hafnarfirði þar sem hún býr í dag ásamt þremur börnum sínum. Áhugamál eru ferðalög, pólitík og tungumál.

Sara útskrifaðist sem lögfræðingur frá Háskólanum í Reykjavík árið 2024 og er í námi til löggildingar sem fasteignasali. Sara er fædd og uppalin í Reykjavík en býr nú í Laugardalnum ásamt sambýlismanni og barni.

Stefán Jóhann hóf störf hjá okkur haustið 2023. Hann er í löggildingarnámi sem hann lýkur vorið 2024. Stefán æfði knattspyrnu með Þrótti upp í meistaraflokk og heldur með Liverpool í ensku. Hann er að auki mikill áhugamaður um stangveiði og hefur sinnt veiðileiðsögn á sumrin.

Steinn útskrifaðist sem löggiltur fasteigna- og skipasali vorið 2023. Hann hefyr brennandi áhuga á golfi og knattspyrnu. Steinn er Liverpool maður og er búsettur í Grafarvogi ásamt unnustu og syni.

Svan Gunnar Guðlaugsson hefur um 30 ára reynslu úr bankageiranum og starfaði þar frá 1981 bæði hjá Íslandsbanka og Byr síðast sem útibússtjóri. Svan hefur aflað sér mikillar þekkingar í gegnum starf sitt á fasteignamarkaðnum og þekkir vel til smærri sem stærri mála húsnæðismarkaðsins hvort heldur er í atvinnu- eða íbúðarhúsnæði. Svan er mikill golfari og áhugamaður um íþróttir enda mikill keppnismaður. Svan er giftur og á 4 dætur.

Vala býr í Garðabæ og er bókmenntafræðingur. Hún býr með börnum og eiginmanni í Garðabæ og hefur lagt gjörva hönd á margt. Vala er löggiltur fasteignasali og löggiltur leigumiðlari.

Viðar stofnaði fasteignasöluna Fold árið 1994 og hefur starfað við fasteignasölu í yfir fjóra áratugi. Viðar er kvæntur og á eina uppkomna dóttur og tvö barnabörn. Hann hefur búið á Seltjarnarnesi frá 1980. Áhugamál Viðars eru allt sem viðkemur tónlist, ferðalög, lestur góðra bóka og allt sem viðkemur lífi og listum.

Þórhallur hefur um 20 ára reynslu í fasteignaviðskiptum en hann hlaut löggildingu fasteignasala árið 2004. Sérsvið Þórhalls eru jafnt íbúðarhúsnæði, atvinnuhúsnæði, verðmöt og lóðarsölur. Áhugamál snúast að almennu heilbrigði og hreyfingu, aðallega hjólreiðum.

Þórunn er alin upp í verktakabransanum. Hún var um árabil fjármálastjóri hjá Ístaki og sá um fasteignamál fyrirtækisins þar sem hún kom að sölu fjölmargra fasteigna. Þá starfaði hún í Íslandsbanka, lengst í einkabankaþjónustu. Þórunn er liðtækur zumbadansari í frístundum.

Þröstur hefur starfað við sölu fasteigna frá árinu 1996.Hann fékk löggildingu sem fasteigna-, fyrirtækja- og skipasali vorið 2000. Þröstur býr í Fossvoginum og er Víkingur en hann spilaði bæði fótbolta og handbolta með Víking á yngri árum, er giftur og á þrjú börn. Áhugamál eru íþróttir og útivera. Golf og skák eru í miklu uppáhaldi og þess má geta að Þröstur er stórmeistari í skák, fyrrverandi Íslandsmeistari og þrautreyndur landsliðsmaður.