*Bókið skoðun hjá sölumanni*

Miklaborg kynnir: Virkilega fallegt tveggja hæða einbýlishús með rúmgóðum bílskúr við Skógarhjalla 23 í suðurhlíðum Kópavogs. Einbýlishúsið er samtals 264,2 fm og þar af er bílskúr 52,3 fm. Fjölskylduvænt og gott hverfi þar sem stutt er í alla þjónustu, verslanir og skóla.

Nánari upplýsingar veitir Friðjón Örn Magnússon löggiltur fasteignasali í síma 692-2704 eða fridjon@miklaborg.is

Nánari lýsing:

Íbúðarhúsið er tveggja hæða timburhús á steinsteyptum sökkli. Stoðveggir eru steinsteyptir. Bílskúr er allur steinsteyptur. Á þaki bílskúrs er hellulögn og nýtist það undir bílastæði.Hiti undir hellulögn. Svalir eru yfirbyggðar með glerþaki og og veggir eru með gleri á rennibrautum. Svalir eru ekki einangraðar. Fyrir framan bílskúr er stórt hellulagt bílastæði. Hiti í bílastæði. Garðurinn er fallegur og þar er skjólsæll pallur með heitum potti.

Neðri hæð: Komið inn í forstofu með góðu skápaplássi og nýlegum flísum á gólfi. Tvö Svefnherbergi á ganginum ásamt baðherbergi og geymslu. Parket á alrými. Flísar á votrýmum. Gengið út á pallinn frá stærra svefnherberginu. Baðherbergi flísalagt með einföldum hvítum skáp, vask, salerni og sturtu. Þrjár geymslur eru á neðri hæðinni. Ein er við hlið baðherbergis og hinar tvær eru undir svölum. Bílskúrinn er bjartur og rúmgóður. Tveir þakgluggar, baðherbergi inn í bílskúr með tengi fyrir þvottavél, salerni og vask. Gott vinnuborð í bílskúrnum ásamt skolvaski.

Efri hæð: Fallegur hringstigi sem liggur upp á efri hæð. Stórt alrými sem skipsti í stofu og borðstofu, eldhús, þrjú svefnherbergi, baðherbergi, þvottahús og tvennar yfirbyggðar svalir. Góð lofthæð. Geymslurými í þaki fyrir ofan þvottahús og baðherbergi. Þakgluggi yfir stiga. Útgengt út á hellulagt bílastæði frá þvottahúsi. Parket á alrými. Flísar á votrýmum. Eldhús með viðarinnréttingu, gott skápapláss og vinnuaðstaða. Frá eldhúsi er gengið inn í stofu og borðstofu. Opið og skemmtilegt rými þar sem gengið er út á tvennar yfirbyggðar svalir. Þrjú svefnherbergi eru á efri hæðinni. Gott skápapláss inn í hjónaherbergi. Baðherbergið er uppgert. Sturta og falleg innrétting og upphengt salerni. Þvottahúsið er rúmgott. Góð vinnuaðstaða. Flísalagt gólf. Útgengt frá þvottahúsi út á hellulagt bílastæði sem er ofan á bílskúrnum. Vel hægt að leggja tveimur bílum þar. Yfirbyggðar svalir: Tvennar yfirbyggðar svalir, vestan og austan megin. Glerþak og gler á rennibrautum sem hægt er að opna. Svalir eru ekki einangraðar.

Að sögn seljanda er nýlega búið að endurbyggja þakið, setja nýtt bárujárn og yfirfara þakkantinn. Einnig er nýlega búið að klæða allt húsið að utanverðu og búið að skipta út flestum gluggum, glerjum og hurðum. Virkilega falleg, vel viðhaldin og skemmtileg fjölskyldueign lokuðum botnlanga við Skógarhjalla í Kópavogi. Stutt í skóla og íþróttasvæði ásamt verslunum og annarri þjónustu.

Nánari upplýsingar veitir Friðjón Örn Magnússon löggiltur fasteignasali í síma 692-2704 eða fridjon@miklaborg.is