Miklaborg kynnir: Landsbankahúsið við Austurstræti 11 er eitt glæsilegasta hús Reykjavíkur. Húsið var reist árið 1898 en var endurbyggt og stækkað árið 1924 eftir teikningu Guðjóns Samúelssonar sem teiknaði jafnframt allar innréttingar.

- Sækja kynningarbækling -

Nánari upplýsingar veitir Þröstur Þórhallsson lögg. fasteignasali í síma 8970634 eða throstur@miklaborg.is

Húsið við Austurstræti 11 var friðað árið 1991 og nær friðunin yfir ytra byrði hússins, vegg-listaverk og innréttingar frá árinu1924. Viðbygging við húsið var var tekin í notkun árið 1940, fyrst á tveimur hæðum en þriðju hæðinni var bætt við árið 1970. Viðbyggingin er við Pósthússtræti og tengir saman húsin við Austurstræti og Hafnarstræti. Austurstræti 11 er þrjár hæðir, kjallari og ris samtals 2.813 m2. Hafnarstræti 10-12 gekk áður undir nafninu Edinborgarhúsið og var byggt árið 1923 eftir uppdráttum Einars Erlendssonar. Húsið var upphaflega þrjár hæðir en fjórðu hæðinni var síðar bætt ofan á. Árið 1958 voru húsin tengd við Austurstræti 11 með brú. 1. hæð 305 m2. 2. hæð 356 m2. 3. hæð 374 m2. 4. hæð 340 m2. Hafnarstræti 14 var reist árið 1970. Jarðhæðin er tengd við afgreiðslusal Austurstrætis 11 og þar er vegglistaverkið Konungssæmd eftir Nínu Tryggvadóttir frá árinu 1971. 1. hæð 188 m2. 2. hæð 195 m2. 3. hæð 270 m2. 4. hæð 127 m2. Húsin við Austurstræti 11, Hafnarstræti 10,12 og 14, að viðbyggingum meðtöldum eru skráðar undir sama fasteignanúmeri, allt undir eigninni Austurstræti 11. Húsin sem voru byggð árið 1923 eða fyrr njóta friðunar vegna aldurs. Í því felst að óheimilt er að raska þeim, spilla eða breyta, rífa eða flytja úr stað, nema með leyfi Minjastofnunar Íslands.

Pantið einkaskoðun: Þröstur Þórhallsson lögg. fasteignasali í síma 8970634 eða throstur@miklaborg.is