Marbakkabraut
26
200  Kópavogur
Iceland
0,00
Einbýlishús
5.00 herb.
225.70 m2

Stærð: 
226 m2
Herbergi: 
5 herb.
Stofur: 
2
Svefnherbergi: 
3
Baðherbergi: 
2
Byggingarár: 
1978
Verð: 
0
Fasteignamat: 
96.700.000
Áhvílandi lán: 
0 %
Byggingargerð: 
Einbýlishús
Nánari lýsing: 

Miklaborg kynnir: Einstaka hönnunarperlu eftir Manfreð Vilhjálmsson á veðursælli 992fm sjávarlóð við Fossvog, 225,7 fm þar af er bílskúr 30,2 fm. Öll hönnun miðar að því að magnað sjávarútsýnið njóti sín sem best. Á neðri hæð er eldhús, borðstofa, stofur, svefnherbergi , snyrting og þvottahús og innangengt í bílskúr Uppi er hjónaherbergi, baðherbergi og barnaherbergi . Yfir bílskúr er um 30 fm risloft með mikilli lofthæð. Allar frekari upplýsingar gefur Þórunn Pálsdóttir lgf. s:773-6000 og thorunn@miklaborg.is

Pétur H. Ármannsson arkitekt þekkir vel til verka Manfreðs,  hann ritar svo um Marbakkabraut 26::"Manfreð Vilhjálmsson arkitekt er löngu orðinn þjóðkunnur fyrir fágaða og framsækna byggingarlist. Meðal þekktustu verka hans eru nokkur íbúðarhús sem hann teiknaði á 7. og 8. áratug 20. aldar, þar sem hugmyndir um opna, flæðandi rýmisskipan að japanskri fyrirmynd fléttast saman við norrænar áherslur á náttúruefni íefnisvali. Húsið á Marbakkabraut 26 í Kópavogi er eitt af seinustu íbúðarhúsum sem Manfreð teiknaði fyrir einkaaðila. Það er með bröttu risþaki og því nokkuð ólíkt þeim módernísku húsum sem Manfreð er kunnastur fyrir. Húsið var hannað og byggt áður en nærliggjandi götur voru skipulagðar og því var mögulegt að reisa það fremst á bakkanum upp af ósnortinni fjöru. Staðsetningin er einstök og er leit að öðru húsi sem býður upp á jafn áhrifamikil tengsl við fjöruna og hafið. Njóta má útsýnis út yfir Fossvog og Skerjafjörð á báðum hæðum hússins í gegnum vandlega staðsett gluggaop, stór og smá. Innan við steypta útveggina og óháð þeim er svartlituð burðargrind úr timbri sem gólf og milliveggir efri hæðar hvíla á og mynda nokkurs konar „hús“ inn í húsinu. Í miðju íbúðarinnar er opið á milli hæða. Þvert yfir opið gengur brú sem myndar gönguleið að svefnherbergjum og baði í risi. Brúin yfir opið tengist léttbyggðum stiga sem Manfreð hannaði líkt og aðrar veggfastar innréttingar. Rými hússins er hófleg í stærðum og öllu haganlegu fyrir komið með tilliti til þarfa fjölskyldu. Unnt er að loka á milli stofu, og borðstofu og eldhúss. Aringryfja við vesturgafl skiptir stofurýminu í afmörkuð setu- og vinnusvæði. Sunnan við húsið og til hliðar við fallega mótaða aðkomuleið að inngangi er skjólsæll garður sem hannaður var af Reyni Vilhjálmssyni landslagsarkitekt. Fágætt er að finna einbýlishús þar sem allt fer saman: arkitektúr í hæsta gæðaflokki, sérhannaðar innréttingar af höfundi hússins sem varðveist hafa með upphaflegu útliti, og einstæð staðsetning á miðju höfuðborgarsvæðinu, fast við ósnortið fjöruborð með útsýni yfir Fossvog og Öskjuhlíð. Hér býðst einstakt tækifæri fyrir áhugafólk um arkitektúr og hönnun sem vill njóta á eigin heimili þess besta sem í boði er af því tagi hér á landi."

 

 Staðsetningin er mögnuð, ein af fáum skjólsælum sjávarlóðum á höfuðborgarsvæðinu, en Öskuhlíðin veitir skjól fyrir norðanáttinni.  Fjaran nýtur sín afar vel frá húsinu, en þar er fjölbreytt fuglalíf og selir koma gjarnan í heimsókn.  Gaman er að fylgjast með fuglunum þegar fiskitorfur synda inn Fossvoginn.  Sólarlagið er ægifagurt og tala myndirnar sínu máli.

Stutt er í leikskólann Marbakka og verslanir og veitingastaðir  í vaxandi kjarna á Nýbýlavegi eru i göngufæri sem og Salurinn,  Gerðarsafn og Kópavogslaug.  Stuttur og fallegur göngutúr er yfir í Nauthólsvík og  á  Nauthól.

Allar frekari upplýsingar gefur Þórunn Pálsdóttir lgf. s:773-6000 og thorunn@miklaborg.is

 

Þórunn Pálsdóttir
gsm: 
7736000

Nýbyggingar

Finndu draumaíbúðina þína… Stakkholt – Mánatún – Þorrasalir

Smelltu hér

Eignaleit

Dýnamísk leit skýrt, fljótlegt og auðfundið. Er draumaeignin þín hér?

Smelltu hér